大漁屋台 (已結業)

黎到九龙湾陪朋友报完补习之后，就系呢到附近揾食。系得宝商场入面见到间好日式既门口，我地就决定今晚系大渔屋台享用我地既晚餐啦！坐底见到师傅忙碌咁预备食物，感觉同置身系日本小店一样。啱啱开门做晚市，我地一坐低就即刻点野食。先黎一个刺身季节沙律，除咗有新鲜爽脆既沙律菜同埋车厘茄之外，仲有新鲜刺身如甜虾、三文鱼、八爪鱼、三文鱼籽同埋蟹籽，配起柚子醋混和后，整碟沙律都变得份外鲜味，作为前菜认真唔错！食过沙律中的刺身，都感觉呢到提供既食材都十分新鲜，所以我地就叫咗少许刺身，有真鲷、赤身、三文鱼。真鲷如白色外表一样，味道比较清淡但口感鲜甜。赤身则脂肪较少，肉质结实有嚼口。三文鱼同赤身一样厚切，纹理呈现出脂肪分布得好靓，放入口里面，感觉份外肥美。见关东煮价钱唔贵，所以就叫咗蟹饼、板鱼旦、鹌春蛋同埋大根，每样都系$10串，好抵！大根即系白萝卜，十分厚切，尽吸汤汁既味道。蟹饼同埋板鱼旦都口感弹牙，十分入味。鹌春蛋外表细细粒却不失蛋香，十分过瘾！钟情软壳蟹既朋友仔叫咗碟软壳蟹水菜卷。软壳蟹炸得十分酥香，与清新爽脆既水菜配搭得刚好，再用被蟹籽铺满既饭和紫菜卷起，卖相与味道都十分不错～我地仲叫咗几串串烧黎食下。