大漁屋台 (已結業)

好耐冇去九龙湾行街，又唔想去商场嘅连锁餐厅食晚饭，地胆朋友带咗去九龙湾有间叫做大渔屋台嘅日本既小店食晚饭，外到内好有日本海边餐厅嘅感觉，我地好似置身日本一样，今晚好肚饿叫咗好多嘢食，头盘左口鱼薄切刺身$128，非常鲜味，尤其是左口鱼边有少少弹牙，睇相就知非常晶莹剔透，滋味无比，沙律：麻酱蕃茄豆腐沙律$52，豆腐非常非常滑身，配合麻酱入口好日本地度食法，好清新！碎三文鱼蟹肉卷$68，三文鱼配蟹肉几特别，一口一个，上面有大大粒鲜味鱼子，三种材料又几夹㖞。烧物：杏鲍菇$16及鸡腿肉串烧$22，秋刀鱼$38，非常推介呢度嘅烧物，烧杏鲍菇好多计，质地软林林，估佢唔到，因为系出面食嘅烧菇好干身，鸡腿肉串烧，啖啖肉，表面烧得香，但又不失鸡肉嘅肉汁，大条秋刀鱼，外皮香脆，肉质鲜美，但小心骨，依度烧物火候控制得好，我哋点会少得叫炸物，朋友推介依三款，果然冇介绍错，莲藕非常特别，质地硬身，但有口感，大大件，每件莲藕$10，免治鸡肉软骨$24，免治鸡肉软骨口感好似食紧鸡肉包住鸡软骨，口感软林林中间带有少少咬口，好味，还有吉列豆腐$12有两件，炸得非常香脆，名副其实外脆内滑，豆腐非常滑身，正，天气咁冻梗系叫返