魚川居 (金漢工業大廈)

营业中

休息中

天桥底成日有人派传单，是日收到系酸菜鱼店叫鱼川居，都好㖞好耐无食，就今日lunch time食佢先。跟住地址揾，原来系之前D&A二楼个舖，几好呀，呢个舖位好大劲多位，不过lunch time呢啲繁忙时段都系爆场要等位嘅。午餐都几多选择，有辣有唔辣，是日同个尝辣嘅同事黎试，梗系要点个辣餐啦。哈哈，落完单伙计话冰用晒，得返热饮，自己就转左要罐忌廉，同事就转左要茶走，甜甜地正好解辣嘛。先嚟嘅系同事点嘅麻辣水煮肥牛淮山面，辣度要左正常，卖相唔错呀，红红绿绿咁好吸引。先试下个汤头，麻香带辣劲，但唔系死辣，辣得黎入口顺喉，食下食下同事饮哂成碗汤咁济。肥牛系正正常常嘅打边炉肥牛，份量合理。淮山面爽口有嚼劲，连汤食好正，整体黎讲系一碗高质嘅麻辣汤面，爱辣之人值得一试。自己就点左酸菜鱼红薯粉，辣度要小辣，卖相好正㖞，劲多鱼片，芹菜同酸菜，闻下啲酸味都飘埋嚟，流晒口水添。汤底够酸，但小辣略微辣度不足，下次可以试正常先。虽然唔系点桂花鱼，但鱼片都超滑，无骨就系正啦。至于红薯粉，呢度用上粗身薯粉，吸汤一流。酸菜同水煮都好食，唔知其他系列又点呢，下次黎试下先。