亞萊泰 (淘大商場3期) (已結業)

今日收工去左九龙湾揾男朋友食饭，突然想食泰国野就去左呢间亚莱泰。呢间泰菜位于淘大商场地舖，好方便。呢间店内装修企理，位置都几阔落。<泰式生虾，$68>特价生虾$68，一共有六只。虽然无冰舖底，但都系好冰冻，而且虾肉爽口，配上泰式辣酱，好惹味。< 炭烧泰式串烧（鸡肉／猪肉）（4串），$60>好食，烧得唔会干身，本身个鸡肉同猪肉都有用酱汁去烧，略嫌咸左少少。不过个沙嗲酱好香好好食。<马拉盏炒通菜，$70>通菜超级大碟，马拉盏味道香浓，有浓郁嘅虾膏虾酱味，如果再辣多少少就更惹味。<泰式鲜虾金边粉，$85>呢个金边粉好大碟，炒出黎唔算好湿亦唔会太干。我都系觉得如果再辣啲会更好食。总括而言，价格亲民，味道亦唔错，下次系附近都会再黎食。