亞萊泰 (淘大商場3期) (已結業)

午餐时间淘大花园各餐厅都人头涌涌，排晒长龙，恰巧亚莱泰有位唔洗等，泰国菜不嬲系我最喜爱食嘅菜式之一，当然即刻入去先啦😆😆午餐餐牌菜式嘅选择都有唔少，心大心细嘅人应该会有困难拣食边一款好🙈🙈泰浓无骨猪手配香米饭 $55猪手去晒啲骨头，卤水汁炆到入晒味，肉质软腍，就算瘦肉部分都唔嚡，送饭一流；旁边有少许腌制酸红白萝卜丝，可以间中中和油腻感，口感几清新。泰人青咖喱鸡扒配香米饭🌶$52虽然佢有一个辣椒仔提示，但青咖喱食落无想像中有嘅辣味，反而有啲甜甜地嘅味道🤣🤣鸡扒肉质juicy，表面果层皮煎至香脆，不过食落有少许雪藏味。冻柠水+$3椰子汁+$8