七月餐室 (已結業)

之前系九龙湾返工见到又有间新开嘅餐厅 — 七月餐室，听讲呢度有爆浆阿华田西多士，当然要试下！餐厅装修以绿色同木色系为主，好干净企理同光猛，整体感觉好舒服。马卡里牛肉饭（$70）七月其中一个招牌系马来咖哩，呢度嘅咖哩款式好多，有马来式、玛莎拉、马卡里，今次食左马卡里，姐系印度式奶油咖哩牛肉，落左香料蕃茄，好浓嘅香料味，送饭一流！牛肉用左牛腩，份量都好多！日式赞岐冷乌冬配鸡扒（$58）有沙律、两块日式甜鸡扒配紫菜乌冬，另外有一碗鲣鱼汁，口味清爽，好岩夏天食。七月漏奶华（$38）另一个招牌就系邪恶爆浆阿华田西多，超厚花生酱西多士面头铺满阿华田粉，一切开就会爆奶，口味唔会太甜，一个人食晒都唔太腻！饮品就叫左啡豆同茶豆，红豆几绵密，配上香浓奶茶同咖啡，非常特别！好难得系茶餐厅有甘印度口味嘅咖哩，下次要再黎试Masala！而家新张期内，外卖仲要有8折至98折，好值得试！