釜之魂釜飯專門店 (淘大商場) (已結業)

烧汁牛肉饭釜 💰58 7⃣️分大大旧厚切牛肉粒煮到唔会话太熟，应该系medium程度左右，而且肥美多汁配上烧汁和白饭，足以填饱你地各位肚仔中既黑洞。招牌菜「银魂」蒲烧鳗鱼釜饭 💰118 7⃣分鳗鱼霸就黎霸占左半个碗，配合埋以高压蒸煮既釜饭，味道一流。佢个饭质感比较硬身，带有点焦香味，食落口粒粒分明，加埋个鳗鱼汁一齐更惹味。樱花虾炸豆腐 💰22 8⃣分依道菜可谓名副其实外脆内软，樱花既鲜味为豆腐画龙点睛咁款，你咀嚼既每一下都会听到清脆既声音。好似突然企系樱花树下，期待樱花初开既清爽感觉。焦糖烩蕃薯 💰28 7⃣️分限定时间出既菜式，点可以唔尝试下？焦糖烩番薯，表面有层薄焦糖，加埋软绵绵既番薯真系必食之选。黑松露玉子烧 💰18 6⃣分蛋香味好浓郁，黑松露调味酱都好足够，但由于玉子味道本身偏甜，配搭埋d调味酱，对小编个口味黎讲就显得有少少多左。冲绳苦瓜饺子 💰22 7⃣️分带有淡淡既苦瓜味，十分易入口 。「半生瓜」同埋猪肉馅，都几特别。