海街丼 (E-Max) (已結業)

陪朋友去到E-Max睇咗一阵汽车，顺便揾间餐厅做晚餐落脚点，今次系我第一次帮亲E-Max既餐厅，装修好靓充满日本气息。店员递上食物之后主动问我之前有冇食过，我答佢冇，佢好细心地说明进食既次序和食法，仲介绍咗一转食材，我觉得好窝心。✨酱汁吞拿鱼丼（$190）吞拿鱼切得大大块，鱼肉新鲜肉质饱满，三文鱼籽的份量都几多，食得好满足！✨蟹吞拿鱼蓉丼（$180）卖相好吸睛！最上面是蟹膏，然后有松叶蟹肉碎、吞拿鱼蓉、三文鱼籽、蟹子，层次好丰富。每一啖都有食材陪伴既感觉实在系太爽啦！另外一提，佢既前菜茄子和酸啫喱都不错，鲜鱼汤超好饮，钟意既话仲可以用茶渍饭既食法去享用丼饭。呢间店附送既茶劲好饮，有乌龙茶和绿茶，我仲有赞佢地既茉莉绿茶真系好好饮添。