爆丼屋 (已搬遷) 新店位置

已经好耐冇去过爆丼屋，前排见佢哋九龙湾Mega Box嘅分店唔使点排队，就同朋友去咗试吓，果然质素都仍然唔错，性价比亦都几高。我哋分别叫咗三文鱼火山丼同埋火焰盛丼。一上枱就见到啲鱼生满到就快泻，睇落都觉得好满足。鱼生食落都好鲜甜，好有油香，我最爱嘅三文鱼子亦都唔会话好细粒，用嚟送饭一流。另外火焰盛丼啲鱼生经过火炙后，更加有油香，如果怕食太多鱼生会腻嘅话，都可以试吓！另外每个丼饭仲会送埋面豉汤，食完生冷嘢饮返碗热汤，会觉得好舒服！