影片
更多
2023-11-15
1553 浏览
九龙湾除咗有好食嘅米线之外，仲有一间隐世嘅车仔面档，呢间车仔面喺以前牛头角下邨已经做开一直好受欢迎，之前叫做文记传统车仔面。最近好似改咗名转咗老细不过味道一样依旧啊！环境虽然迫迫地，都有油烟味，但都胜在抵食，喺九龙湾街坊嘅童年回忆🙏🏻🍴猪颈肉牛腩咖喱鱿鱼油面 $51 (8/10)𩠌同埋面都好足料，猪颈肉系必食，食落去弹牙又有椰香味，牛腩煮到非常软腍又唔黐牙，咖喱鱿鱼爽口弹牙咖喱汁好香浓，油面系粗身有口感，一定要叫辣汁，辣得来好过瘾，又带少少姜味，香得有层次，同出面食𠮶啲麻辣酱好唔同，真心好食又饱肚。之前食过猪肠系用新鲜大肠去整同出面𠮶啲好唔同，如果钟意食大肠嘅话一定要试吓😆🍴煎酿三宝 $22 5件 (7.5/10)炸鱼蛋系必叫，佢哋嘅鱼蛋系攞鲮鱼肉，再打到起胶，食落去系有鲮鱼肉嘅香味，同时又好烟靭，讲真未食过其他鱼蛋有呢一个味，好食！推荐指数: 8/10舖头细细乜都有得食，炒粉面，车仔面，煎酿三宝肠粉烧卖，真系勾起以前喺牛头角下邨食嘢嘅回忆，个人推荐车仔面煎酿三宝，仲有个碗仔翅加鱼肉再加辣菜谱都系好好食，咁多年来味道都无变，依然keep到质素！
🍴猪颈肉牛腩咖喱鱿鱼油面 $51 (8/10)
𩠌同埋面都好足料，猪颈肉系必食，食落去弹牙又有椰香味，牛腩煮到非常软腍又唔黐牙，咖喱鱿鱼爽口弹牙咖喱汁好香浓，油面系粗身有口感，一定要叫辣汁，辣得来好过瘾，又带少少姜味，香得有层次，同出面食𠮶啲麻辣酱好唔同，真心好食又饱肚。
之前食过猪肠系用新鲜大肠去整同出面𠮶啲好唔同，如果钟意食大肠嘅话一定要试吓😆
🍴煎酿三宝 $22 5件 (7.5/10)
炸鱼蛋系必叫，佢哋嘅鱼蛋系攞鲮鱼肉，再打到起胶，食落去系有鲮鱼肉嘅香味，同时又好烟靭，讲真未食过其他鱼蛋有呢一个味，好食！
推荐指数: 8/10
舖头细细乜都有得食，炒粉面，车仔面，煎酿三宝肠粉烧卖，真系勾起以前喺牛头角下邨食嘢嘅回忆，个人推荐车仔面煎酿三宝，仲有个碗仔翅加鱼肉再加辣菜谱都系好好食，咁多年来味道都无变，依然keep到质素！
张贴
