德藝會

营业中

休息中

去咗九龙湾德福探朋友，朋友带咗我哋去呢间隐世酒楼，环境冇咁嘈杂，几好坐👍🏻蟹籽烧卖一笼4粒，猪肉馅料都几爽口，加入左啲冬菇粒，都几香。炸春卷我最钟意食香脆嘢，饮茶通常都要食吓香口嘢。呢个春卷炸得好脆，如果馅加多啲虾肉就更加好食。芝心大虾皇大虾中间酿咗芝士跟住炸，虾壳炸得香脆，壳都可以食埋，虾肉啖啖肉，中间仲要夹住邪恶绵绵芝士，口感丰富😋迷你珍珠鸡糯米饭都几软糯，唔太干唔太湿，酱汁几好味，加上荷叶香气，好食。馅料就比较少，只有少少肉碎，如果加啲虾米、咸蛋黄会比较丰富😆上汤大虎虾煎面呢个又系劲香口😆煎面劲脆，点醋食又得，淋上汤食又得。上汤系分开上，唔会整多啲面淋咗。虎虾大大只，开边炸，虾味浓郁，沾上上汤食更加好食。