新潮樓 (已結業)

🥢食得西餐多都想转一口味，去左九龙湾展贸附近做嘢，知道呢度有间新开既潮州菜馆，真系啱晒胃口啦！💁🏼‍♀️一入到餐厅职员已经非常Nice，后生仔女都好好礼貌，有别于一般酒楼伙计。店内装修优雅，坐位宽躺舒适，除左必食既打冷潮州菜之外，仲有多款中式小菜，样样好味又大份，下次一定要带埋屋企人黎呀！✨咸菜猪肚汤（$128）奶白色嘅汤头微辣惹味，真材实料，有大量嘅猪肚汤咸菜，唔会过咸同过酸，饮完暖笠笠好开胃！👍🏻潮式卤水鹅片拼墨鱼（$168）卤水汁唔会过咸，味道啱啱好，鹅片厚薄适中，口感软腍入味，墨鱼亦弹牙好味！🦐自家制虾蟹枣（$148）顾名思义系由虾、蟹同猪肉，用腐皮包裹后炸到金黄色，入口超级松脆，点埋蜜糖酱汁，更香甜滋味！🐔客家黄酒鸡（$138半只）鸡酒用料十足，仲有虫草花、红枣等药材，入口香醇微甜，既浓郁又滋补，非常够味！✨新潮XO酱海鲜炒饭（$128）炒饭镬气十足，有浓郁嘅酱香味，饭粒分明口感唔错，每啖都食到蛋丝、虾仁、鱿鱼。✨反沙芋头（$68）外脆内粉，口感层次丰富，香香甜甜，当甜品食一流呀！🥬啫啫虾干虾酱通菜（$108）通菜爽脆微辣，咸香好惹味，略嫌多油咗少少。