有間麻辣燙

营业中

休息中

每次出九龙湾我都会顺便买埋享乐 今次谂住近近地就系享乐隔离个商场食埋野 经过见到呢间「有间麻辣烫」本身仲以为系食麻辣野 但原来个汤底系有得拣牛骨 藤椒 蕃茄或者菇菌汤 呢度嘅点餐方式系自己拎个筲箕盘装野食再拎去磅重 几得意咁 食物种类都几多 有丸类 蔬菜 菇类 薯粉 米线等等 而且洗得几干净 仲可以自己调配酱料 我就拣咗蕃茄汤底 饮落蕃茄味都几浓郁 最钟意蜂巢豆腐 食落同一般豆腐唔同佢系好弹牙 唔会一咬就散开 豆腐串索哂蕃茄汤劲入味 比较惊喜嘅系有流心松露丸 食落好香黑松露味朋友就拣咗纯牛骨汤 佢话饮得出唔系味精汤 蟹柳好大条而且入边竟然有芝士 好惊喜 米线嘅质地同平时谭仔个d唔同 呢度会比较滑身饮品方面就叫咗忌廉同甘草罗汉果 特别之处在于佢系有汽凉茶嚟 第一次饮感觉几特别