漢記小廚 (已結業)

九龙湾其实都有啲富有香港特色既大排档食呀，位置就系启业邨。而且呢间仲系已经买少见少既冬菇亭里面添。非常适合麻甩仔去。讲得上冬菇享，就唔好预有冷气，不过毎张枱都有风扇吹到正。啫啫鸡 - 里面既鸡件都唔少，唔似有啲大排档咁无件鸡食到咁。而且佢同出面既大排档相比，佢地既啫啫鸡唔算十分之重口味。相对就食到多啲鸡味。蒜茸炒苋菜 - 蒜味好香，菜都好新鲜。唯独系油左少少。蚝饼 - 感个蚝饼既蛋落得比较多，有好香既蛋味。但系就唔算炸得好香脆喇。变咗有少少唔同风味。而蚝都唔算落得少。下面就系汉记既菜单比大家参考。