麗晶軒 (已結業)

朋友果屋苑商场开左间环境高尚既中餐厅，有得饮茶食点心，仲有鸡煲烤鱼等多元化。 ⦁奇味鸡煲 本身鸡煲就包左生菜同白饭。因为我地想嗌笼仔饭，就取消左白饭，加多$38转做笼仔饭。讲番果鸡煲先，鸡件嫩滑多肉，配料调味都恰到好处。虽然嗌左细份，但鸡件既份量都几多，有种「食极仲有」既感觉。好彩我地有三个人，先清得晒。✨外卖仲有9折 ⦁笼仔饭 我见笼仔饭本身都有个$88套餐，有汤、菜同埋笼仔饭，尼个餐都好抵。btw笼仔饭好香，淡淡荷叶味包住每粒饭。另外果肉饼好厚好淋身，唔会太硬太干。 ⦁小食拣左花雕猪手同埋麻酱青瓜伴鸡丝。花雕猪手酒味太浓，但猪手系爽好弹牙，整体黎讲好食既。另外，鸡丝份量多，配住鸡煲食，好清爽！