隼 (已結業)

今晚去咗Megabox，揾到呢间餐厅以铁路为主题嘅寿司店，见佢装修咁得意，就决定入去试下。首先叫咗吞拿鱼腩盛，有海胆酱炙烧赤身寿司、吞拿鱼腩寿司、赤身寿司、葱吞拿鱼腩军舰。赤身够晒肥美，炙烧之后嘅味道更突出，加咗海胆酱味道好特别。吞拿鱼腩寿司嘅油脂分布平均，入口即溶；葱吞拿鱼腩军舰好弹牙，又鲜甜。我哋仲试咗餐厅新推出嘅特盛大满足，三文鱼好鲜嫩；帆立贝好大粒；剑鱼腩油脂丰富。油甘鱼滑身但唔油腻；黑松露赤虾好香浓嘅黑松露香令鲜味更突出。珍宝蟹棒大大条又厚身又好肉，真系食到好满足。 我哋另外再叫多咗几多款寿司同小食，原条炙烧穴子，烧过之后将啲油份迫晒出嚟，成条穴子即刻变得好滑。蒜蓉牛油烧珍宝帆立贝好大粒，烧完仲加咗蒜调味，闻到流晒口水。多春鱼，烧完热辣辣，好香口。三色井有葱吞拿鱼腩嘅鲜味，加上咸咸地嘅三文鱼子同辣味三文鱼，带出唔同层次嘅味觉享受。最后有少少口痕，叫多个忌廉蟹肉薯饼，好香脆而且忌廉好creamy，食得出佢啱啱炸起。