Coffee Hwajeon 커피화전

营业中

休息中

今晚约咗旧同事去九龙站聚旧，知道她好钟意食甜品同韩国嘢。就去左最近超人气嘅韩国甜品餐厅。餐厅以木系设计，非常日韩风，好舒适感觉。餐厅内有6个包箱，非常有私隐度，跟朋友谈心非常一流，但坐得耐大家都有点脚痹。棉花糖泡泡打卡必点，饮品上面洒满细花同花瓣，还有粉红色的士多啤梨酱伴在杯边，超有少女情怀。仲有一块花花曲奇饼挂在杯边，比你用来点士多啤梨牛奶一边食一边饮。 炸物辣炒年糕超多料嘅辣炒年糕，有炸紫菜、炸长型水饺、黄芽白、红萝卜丝及一只熟蛋。食落酸酸甜甜非常开胃又唔会过啦佢用嘅年糕比较幼身食落唔会好滞口。年糕口感好Q弹，晶凝通透好有米味。肉桂朱古力咖啡超浓肉桂味嘅朱古力咖啡，估唔到肉桂都可以同朱古力咖啡match 埋一齐。 喜欢玉桂味嘅朋友一定要叫来试下。伯爵茶布甸牛角包窝夫牛角包窝夫采用靓面粉，所以看落去呈透明色，食落口感非常松化又够热，不会硬。旁边有蕨饼、朱古力块。碟上有一嚿cream，俾客自行决定增加cream的量。伯爵茶布甸超有伯爵茶味，随碟中附送伯爵茶酱可以补上窝夫食。济州抹茶红豆刨冰超巨型沙冰山，上边淋咗济州抹茶酱。刨冰上面有红豆同黄豆饼。食落去刨冰好有绿茶味。