Sky726

放工去咗旺角一间西餐厅食晚饭，呢间餐厅出名个景好靓，可以见到九龙区嘅景色，配上灯光有一种浪漫嘅感觉，而且地址好方便西餐都算多选择，除咗有意大利饭、意粉、扒类等等，仲有set dinner ，我哋拣咗个焦糖比目鱼柳配香草蕃茄希腊沙律感觉好清新，蔬菜好新鲜，配上水牛芝士同蕃茄仔，令餐前好fresh 仲有面包配牛油，更加饱肚而餐汤就有蕃茄杂菜汤，用料丰富，酸酸地好开胃终于到主菜出场，系焦糖比目鱼柳，卖相好精致，比目鱼煎得刚刚好，外层系一层焦糖味嘅鱼皮，香脆得嚟带点甜味，配上肉质新鲜嘅比目鱼，味道唔错而配菜仲有藜麦，加上少少蕃茄粒，清新得来配搭一流，系健康之选甜品系咖啡奶冻，闻起上嚟咖啡味已经好香，食落去更加香浓，而且好幼滑，值得一赞，加上生果粒酸酸甜甜，为晚餐画上完美句号冻柠茶茶味香，自己加糖可以调节甜度精致小食系三文鱼味慕丝餐厅环境几舒服，服务正常，望住出边嘅景色食饭感觉更开心