Thai Farmer Restaurant (已結業)

睇过呢度的食评，好似几好食咁，就同女友去试下啦。点知遇著个班识变脸既侍应，所以呢度点都只黎一次，以后都唔会再去！事情系咁既，入到铺仔，坐低好耐都唔比食牌同水，就问侍应拎啦，点知得到黑面对待，好似欠佢咁。之后选好食咩，想落单，举高手叫人来，铺仔细成咁，都唔知点解都系无人理。点知有几个睇黎系熟客仔既坐低我地隔离桌，几个黑面侍应即刻奴仆咁扑埋去招呼，有讲有笑，人地落单佢地写都写唔切。终于到我地落单，想问下佢有无边样食物最推介，侍应又回复黑面，话你睇餐牌就ｏｋ啦。是但落左几样，隔离班熟客的食物黎哂，侍应仲帮佢盛汤！我同女友呢，等左超耐，人地熟客仔成桌食物差唔多食哂，我地先来一样，仲要三样食物隔好耐先耐，好似去饮咁。期间催食物，黑面侍应仲好唔耐烦咁答你，都唔知咩态度。食埋其实唔错既，算中上质素，但有ｄ咁既侍应，希望佢老板都应该正视下，唔系迟早赶客，咁细间铺头仔，都唔知顶得几耐。