勝記酒家 (已結業)

今日系湾仔做野，老婆过左黎接我收工，6点左右见食饭时间到，就系附近食埋晚饭先回家，见好耐冇食过中餐，老婆就话不如去胜记食乳猪，好耐冇食过。上到去坐低，因为我地之前都有黎食过，所以餐牌都冇点睇，立即叫左店员写菜嗱我地分别点左胜记即烧乳猪例牌、辣子鸡煲同埋菠萝咕噜肉3个𩠌。即烧乳猪：即烧乳猪热辣辣，外皮脆卜卜，加埋一块即蒸既中式包皮，配以甜酱，食左几块都唔会觉得油腻辣子鸡相：服务员超贴心，可能落单时我地讲错左俾店员听，店员以为我地要加辣，其实我地系要小辣，店员落单后回头再确认一次是否要加辣吗？好彩佢再三问一问我地，如果唔系真系会辣到头都痕了辣子鸡由干葱、椒丝、豆豉配合酱料炒成。鸡件走过油，所以将鸡既肉汁封左系肉入面，嫩滑多汁，伴饭十分开胃，但建议要叫bb辣,因为小辣都几辣㗎菠萝咕噜肉：份量多，有青黄椒，紫洋葱，菠萝，色彩丰富，正式色鲜味香，未食已被卖相同甜甜酸酸既味道所吸引咬落脆卜卜，淡淡肉，酸甜适中，唯一不足的是，粉浆多左小小。