英都燒味廚房

营业中

休息中

天气真系好热，中午简单食个快餐，决定食烧味饭，应该最快唔使等食完就可以继续返工。入到嚟餐厅，咁啱俾我见到乳猪出炉，师傅送紧只乳猪入厨房。咁一于食乳猪饭。见到对面枱食紧熏蹄叉烧饭，我就乳猪拼熏蹄饭。乳猪好热好脆，又唔会太肥，真系好彩遇到刚刚出炉，真心真系正。唔理咁多一定要趁热食晒几件乳猪先。之后先慢慢食熏蹄，片熏蹄都多肉，唔系林back back𠮶啲，条皮好爽，点埋个醋好醒神。食完乳猪加个熏蹄又几夹㖞。可惜杯奶茶就未合格，可能系烧味最大卖点，所以冇乜理茶水。