小杬館食坊 (已結業)

好耐冇去小杬館食飯啦！好掛住隻手抓乳豬仔呀！今晚慶祝三八婦女節，同另外兩位靚太去咗品嚐呀！隻手抓乳豬仔，要提早預訂，打電話訂位時，好友有訂，否則冇得食！我哋因爲得三個人，叫咗隻手抓乳豬一如往常一樣，皮薄得來，脆卜卜，啖啖肉，真的好好味呀！叫咗個普寧脆豆腐小食，好香好滑叫咗個梅菜蒸菜芯，啲梅菜好甜，冇沙，菜芯又淋身，而且好大碟呀，抵食！叫多個肉類，噴火醬燒骨，碟骨上枱時，錫紙包著，外層有火焰燒著，有睇頭！骨味有啲似鎮江骨，都好惹味！三個女人居然胃口不少，清枱！