新新酒家

营业中

休息中

琴晚同屋企人嚟咗呢间酒楼食晚饭，地方几阔落，分开咗两个area，一边系小菜，一边系打边炉。我哋决定咗食小菜，坐系卡位，仲有电视睇添😛。见天气咁热，就嗌咗个冬瓜盅食，佢系用一边冬瓜头兜著啲汤同料嘅，唔系好似有啲酒楼咁剩系得冬瓜中间𠮶截，冬瓜同啲汤料分开。啲汤好好饮，料就有猪肉粒、带子、夜香花、虾、蟹柳、菇等等，冬瓜好大个，啲冬瓜肉食极都仲有😂。而且仲好平，绝对要食😋👍🏻。不过我哋挂住食，所以就无图啦🤦🏻‍♀️🤦🏻‍♀️。跟著嗌咗个沙姜猪手，猪手唔会太稔，仲有少少咬口，好香沙姜味，唔系好咸。值得一提个猪手系切开细细块，食𠮶阵吮骨都方便咗😆。见图😋。仲嗌咗个烧乳猪，啲皮好松化👍🏻，食𠮶阵听到「索索」声😍，又好香。而且油唔多，食多两件都唔腻😚。见图~仲嗌咗条斑，蒸得啱啱好，鱼油丰富肥美，好食👍🏻。总括而言，系湾仔揾到呢个价钱同呢种质素，唔试真系走宝!