新斗記 (已結業)

上次试过乳猪都几好食, 今次再嚟, 但由于系平晚, 唔驶好似上次咁, 要分两轮时间, 今次任book时间~  1/4只乳猪上次5个人叫半只实在太多, 今次叫1/4只都系夹硬清埋佢, 不过冇上次咁好食, 但都热同脆~  香橙骨好橙味, 但唔会酸, 汁唔会太多, 但刚好每旧都包到  1/2只贵妃鸡我自己觉得佢唔似贵妃鸡, 似盐焗鸡多d, 因为味道咸咗少少, 好在佢唔肥, d肉又唔鞋, 最难得系有鸡润同鸡肾, 从未见过出街叫鸡会有埋内脏架~  啫啫什菜煲未上枱已经闻到好香, 一路咋咋声, 伙计一路兜匀佢, 超正~什菜有西兰花、小棠菜、菜心、芥兰等, 只只都好香~  椒盐豆腐开头见到对面枱好似食椒盐豆腐, 觉得个样好靓, 我地又叫, 但原本唔系人地果样嘢, 人地果个系𩠌咁大碟, 呢个只不过系小食, 份量少到相信最多只有1砖布包豆腐, 切到细细粒去炸, 不过冇乜椒盐味  瑶柱蛋白炒饭上次食过好食, 今次再叫, 但今次比上次油, 唔够干身   红荳沙好够沙, 但偏甜咗少少今次冇上次换碟换得咁多, 系一次都冇, 上次一餐都换咗3-4只碟, 可能平晚少咗伙计挂?