珍珠皇宮印度餐廳

营业中

休息中

好鍾意食印度嘢，係重慶森林常客，珍珠皇宮相信好多印度菜愛好者都試過，今日特登嚟是嗰個乳酪脆米球。呢個印度小食成日喺印度電影見到，但唔係間間有得食。一坐低就有個靚仔走埋嚟介紹，佢話自己係喬寶寶嘅唔知表哥定表弟，成個餅印咁。chicken tikka masala 係必點，然後叫咗個唔記得乜嘢naan，佢嘅咖哩汁係做得好食，好creamy，配埋個naan十分惹味，我自己可以食得好辣，但同行嘅朋友唔得，所以今日只係叫咗小辣。乳酪脆米球係凍嘅小食，賣相好得，口感味道亦好特別，一份又成八個咁多，最後我哋三個人係食唔曬。食印度嘢點可以冇mango lassi，呢杯係我全餐最期待嘅飲品。整體嚟講珍珠皇宮都幾滿意，乾淨企理服務親切，適合初次去重慶森林食印度嘢嘅朋友。