唐宮小聚 (The L. Place)

营业中

休息中

呢间餐厅个名都听得唔少，但都系第一次黎到唐宫小聚食晚餐，果然好受欢迎，座无虚席。知道呢度出名既系乳鸽，可惜本身唔食所以冇机会食呢度既招牌菜，但其实其他菜式都非常唔错。松露鲍鱼饭有小惊喜，望落算系平凡，但入口超重黑松露味，饭身有酱汁，味道刚刚好不会太咸。西兰花苗用蒜蓉炒，做法简单但非常食落非常爽口，亦完全不觉得油腻。冰冻咕噜肉感觉非常新颖，刚煮起的咕噜肉加上蜜瓜、哈蜜瓜同蓝莓放响冰粒上面，炸好的咕噜肉依然可以保持外皮脆口，配埋生果望落有d怪，但其实可以平衡返食肉的腻，原来可以好夹。另外值得一赞系茗茶好好饮，比较清可以消济，同埋员工都非常有礼貌！