強記乳鴿1983

营业中

休息中

河畔果间新强记，我细细个就成日食佢啦，装修前都成日去食乳鸽同埋鸡粥，咁今次装修后就第一次去帮衬，装修完之后环境非常好，坐得舒服好多，好啦，试下味道有无变先。由于两个人关系，都唔系叫好多野，叫左几个𩠌。首先系乳鸽全只上，味道依旧，大大只，讲真，我觉得全沙田最好食嘅乳鸽绝对系新强记，肉质够味，当你撕开d肉果阵d油系咁流出来，好香，而且个皮好脆，啖啖肉香，绝对系保留到个水准。跟住系金银蛋白菜仔，e个菜式份量都好大份，但系唔知点解就无左d咸蛋王，但系味道都ok呀！最后就系个红烧肉啦，可能个工序比较多啦，所以等紧时间都真系几耐，食晒个乳鸽同菜都起码等左15分钟左右啦，黎到之后都真系好香，份量都系好大，试下旧肉又真系入口即溶，个汁又惹味，绝对系送饭菜式，可惜最后都食唔晒，打包走，会再黎帮衬。