唐宮壹號 (已結業)

经过湾仔，屋企两老话想试下甘饭碗⋯⋯好多人㖞，又唔想佢地等甘耐，唯有揾下附近有乜好食。之前试过中环「唐宫小聚」，直觉觉得合和呢间唐宫一号应该同出一辙，果间都唔差，呢间应该唔会点甩辘卦？唔好讲笑，坐低一定要叫烧乳鸽食，$38只㖞，乳鸽烧得够干身，唔会油立立，呢个真系要食！另一推介系龙虾汤泡步步米，因为d米好似米通甘，食落粒粒都仲有点脆脆地既感觉，唔似汤饭甘浸到d粒烂晒晚市佢都有d包点既，我点左个松露磨菇包，我估呢个都系现成来货，因为之前系第二间餐厅都有食过一模一样既包，不过外形同一只冬菇无分别，都几过瘾，同埋个包都几香松露味，可以一试。其他菜式就一般啦，唔算太差，而且都坐得舒服既，唔会太迫～