影片
更多
2011-10-17
2928 浏览
早几日前打左黎订位 唔够5位要收$50开炉费 自己带野饮&食每人要比$20 每人$198 经过西贡 再去北潭涌方向 过左烈士碑行前少少就系 有个banner 写住18E在右边(对头车方向) 由铜锣湾出发只系渣左45分钟就到老板话可以泊门口 但其实个所谓门口细得可怜 佢叫我唔好遮住个banner 但系banner隔离又有几个类似'圣诞树'的物体挡住 果度又已经泊左两架车基本上再泊门口就肯定挡住晒人地个入口 所以好多人就甘泊对面行人路算数...... 呢度环境真系不错 建0系个海上面的 一片片木砌成既 所以由木罅望落去系见倒海架 好特别 分开两边 一边就系对住个海 有几张好欧陆既台凳 另一边就有个大风扇 每台都有自己的雪柜 雪柜隔离就系个西式烧炉 放野食上去烧就ok! 虽然烧野食系应该自己渣住支叉先过瘾 但其实烧一两旧就过瘾 成晚渣住支叉对住个炉系甘烧都唔好话唔累.... 0系hk未试过用呢款炉烧 感觉好舒服 你想既就埋去反下野食 玩完喇就埋位睇海景吹下水 好叹一去到个老板就帮我地起炉 虽然识起炉 但有人帮我起埋都好正 炭任用 之前听过有人话有d烧烤场用多d炭都要加钱...........
经过西贡 再去北潭涌方向 过左烈士碑行前少少就系 有个banner 写住18E在右边(对头车方向) 由铜锣湾出发只系渣左45分钟就到
老板话可以泊门口 但其实个所谓门口细得可怜 佢叫我唔好遮住个banner 但系banner隔离又有几个类似'圣诞树'的物体挡住 果度又已经泊左两架车
基本上再泊门口就肯定挡住晒人地个入口 所以好多人就甘泊对面行人路算数......
呢度环境真系不错 建0系个海上面的 一片片木砌成既 所以由木罅望落去系见倒海架 好特别
分开两边 一边就系对住个海 有几张好欧陆既台凳 另一边就有个大风扇 每台都有自己的雪柜 雪柜隔离就系个西式烧炉 放野食上去烧就ok! 虽然烧野食系应该自己渣住支叉先过瘾 但其实烧一两旧就过瘾 成晚渣住支叉对住个炉系甘烧都唔好话唔累.... 0系hk未试过用呢款炉烧 感觉好舒服 你想既就埋去反下野食 玩完喇就埋位睇海景吹下水 好叹
一去到个老板就帮我地起炉 虽然识起炉 但有人帮我起埋都好正 炭任用 之前听过有人话有d烧烤场用多d炭都要加钱............佢起完炉就放我地d野食去雪柜度 好卫生 所有类既野食都放落个盘度 仲包张保鲜纸 你自己要烧先由雪柜拿出 亦都唔需要好似任食果d要行到好远出去同人抢 d汁仲要滴到周围都系........ 呢度系每人份量甘执比你 总之所有野都好干净 个盘1一滴汁都唔会hi左 绝对放心徒手拿起个盘!
以下野食系每人份量....辣鸡翼*2 - 唔食得辣 所以食唔出有0羊味 得个辣字
鸡全翼(系咪甘叫?)*1
蒜蓉包*2
翠玉瓜*3 - 估唔到烧左佢系甘好食架wor!
香肠*2
鱼蛋,牛丸,墨鱼丸*1
腐皮卷*1
烟肉卷车厘茄*3 - 呢个好特别! 一口咬咸烟肉 第二啖就系甜既车厘茄 呢个combination好得! 好钟意!
豆卜*3 - 烧完好硬 好似臭豆腐个面甘
鸭胸*3
串烧鸡*1
串烧鸡软骨*1
牛扒*1 - 蒜蓉味好劲~~~ 正~~~~ 不过有d un..
大虾*1
扇贝*1 - 好香蒜蓉~~~ 好正~~~~
盐焗立鱼 - 超滑好有鱼味! 鲜!
其实食到一半已经饱 如果食唔晒可以带走架 下次一定要带走 今次唔知 徙左d野食 T_T饮品大概$6-8 一罐 拿完同d staff讲声佢地就会计数
厕所出奇地甘干净 洗手盘都非常干净
都几多蚊 不过烧野食预左架啦
呢度欢迎动物 烧烧下会有d猫猫狗狗行黎行去
对呢度非常满意 个景真系好正 可以下奏黎睇埋日落 睇黎好多客都系下奏已经入黎烧 大概8点走人
好多时d人都会去通顶烧野食 不过呢度好似11pm关门 所以赞成早d入黎烧睇埋日落 同埋呢头唔多旺 夜左要call车
仲有!! 虽然呢度唔大 但唔会迫 就算坐满晒唔会嘈 可以好静甘享受下日落食下野甘 真系好叹
食物味道见人见智啦 但唔会系劲落味精总之得个咸字甘 之前d人写话佢不中不西 不过我就觉得ok 唔差啰 但唔会系好味到飞起 只能够讲 甘既价钱系buy佢有私人雪柜 所有野都好干净 总好过d平既 但系要同人争崩头 又迫又嘈又污糟.....
下次一定会再黎!!
张贴
