阿四車仔麵 (已結業)

疫情肆虐，小妹已经好耐无系街边笃鱼蛋享受港式街头美食。好难得揾到一间干净企理嘅港式车仔面店，而且性价比超高，完全颠覆之前我对车仔面嘅印象。「阿四车仔面」除左有车仔面选择，仲有数款大碗饭同常餐可以拣。我地今次就拣咗一个招牌面加一款自选车仔面，配料选择都有成20款俾你拣，样样都想试心大心细。招牌面只需$60就有齐9款𩠌，啱哂有选择困难症嘅小妹，经典嘅猪红、猪大肠、猪皮萝卜样样有整哂，另外仲有咖哩鱼蛋鱿鱼等，超足料大满足。一定要大赞嘅系萝卜超甜无渣、猪大肠清理得好干净，完全冇无臭味，而且仲系爽爽脆脆。自选车仔面就加咗$3 转乌冬，配料方便就拣咗卤水猪腩肉、牛腩、炸墨鱼卷，猪腩肉大大件仲有两件添，而且系选用五花腩，肥瘦适中。炸墨鱼卷系真材实料，但直接放咗系车仔面中就减少左自身嘅脆度。另外我地仲加点咗两款小食，炸南瓜饼同吉列蚝。「阿四」嘅炸物真系超出色，小妹完全大推，两款炸物都系即叫即炸，上台后仲系热辣辣嘅，最疗愈嘅系咬落去个一下「卡滋卡滋」嘅声音，超脆身得嚟又唔会过份干，吉列蚝仲会爆汁添。