雲南桂林過橋米線

营业中

休息中

#旺角#云南桂林过桥米线朋友想食米线，问旺角有边间好食+唔使排队，干净企理嘅舖头？又唔可以太贵㖞，理论上不存在嘅舖头，其实系有嘅🫶🏻呢间廿年老店，得益于大家冇乜留意，次次去都唔使排队。我叫咗腩肉+猪颈肉+莴笋小窝米线，小辣。汤底浓郁，多肉碎。腩肉逆纹薄切，入味好食。猪颈肉相对较一般，上次嘅大肠好食啲。朋友叫咗金汤酸菜鱼米线，佢话好食，叫我下次试吓。小食叫咗细份蒜泥白肉+海蜇头。蒜泥白肉卷着青瓜条，精致不肥腻。海蜇头好爽脆，黑醋够香，好食又抵食。两人埋单一百几，单以米线嚟讲，香港小店绝对好过大陆嘅化学元素。