巨根小菜王 (已結業)

行过旺角唔知食乜好，本来谂住入一间蒸气火锅，但家人又想食小炒，发现楼上原来就系食小炒嘅地方，见到环境都好干净，一于入去试吓！Facebook like就每人送一碗自家制老火汤，今晚系红青萝卜粟米汤，虽然冇屋企高嘅咁老火，但味道清甜，饮得杯落！黄金脆豆腐外脆内软，豆腐好滑好香，只系略嫌外皮有少少厚，但胜在好香口，也不会太咸。黑椒牛仔骨系最惹味嘅一道菜，用个汁来送饭味道一流！另外清清地叫咗一份鱼滑鱼汤浸时蔬，汤底好清甜，白菜仔好林好甜，味道唔错。最后要左一个瑶柱蛋白炒饭，饭一粒粒，唔会太油腻，几十蚊就份量咁多好抵食！