Red Rice 米飯主題餐廳 (六合街) (已結業)

今日唔想行去荷里活广场果度食，就行下大有街一带，见到这店好光猛而且是日午餐有好几款，好吸引咁。我揾左炸鸡柚子沙律配红汤及多士丶热咖啡，个红汤好多蔬菜，味道刚好炸鸡柚子沙律好靓，柚子酱+芝麻酱混合做沙律汁，味道酸甜又有芝麻酱香，好特别，生菜好新鲜，有粟米粒丶红萝卜丝丶紫椰菜丝丶好爽囗的蕃茄。炸鸡原来系炸鸡粒，炸鸡粒食落去冇鸡肉又冇鸡肉味，似鸡皮沾上炸浆炸出来，唔好食。蒜蓉牛油多士睇様几得，不过⋯冻既！热咖啡系即磨，好味。侍应好好又有礼貎，环境以白色为主，灯光又够光，整体望落去好干净企理。