麗晶軒 (已結業)

丽晶商场虽然地方唔大，但系食肆都有好几间，除咗两间茶餐厅，就只有这间新开一年左右的丽晶轩早上饮茶，晚上食小菜。听街坊讲除咗早上饮茶唔错之外，晚上的鸡煲、鱼煲都OK。晚上6:30去到，冇乜嘢客人。如果以食鸡煲的价钱，系比较OK。但相比隔离两间茶餐厅，就相对比较贵了。叫咗一个「麻辣烤鱼」$228，包一碟生菜，及两碗白饭。半条鲩鱼左右，都好大条，叫咗小辣，鲩鱼炸过，皮脆肉嫩，味道新鲜。另外叫咗两个小食，花雕猪手$68 ，其貌不扬，但估唔到花雕酒味好浓，猪手皮爽口。五香牛展$68，份量都几多，牛肉入味。这个份量两个人食唔晒，应该可以三至四人。晚上客人不算多，但其实餐厅食物都比较有诚意，份量都很多，味道也不错， 可能隔离两间茶餐厅的晚市套餐价钱相对比较平，所以导致晚市比较少客人。总括来说，餐厅地方干净，装修简洁，侍应姐姐招呼热情，如果想同朋友倾吓计，安安静静咁食返餐，这一间算系不错的选择。