阿太車仔麵 (已結業)

之前听朋友讲过，牛头角道附近有间新开嘅车仔面，于是过嚟试吓。喺门口已经俾佢特别嘅招牌吸引。同一般车仔面唔同，佢嘅装修几特别，而整体都好干净，同一般车仔面唔同。本身谂住咁新嘅装修，可能车仔面嘅味道会普通。但系食完之后反而有啲惊喜，我叫左个三𩠌面，有鸡翼，猪肠同猪皮。基本上我食车仔面呢几款𩠌我都成日叫，我亦都食过唔同嘅车仔面，发现呢一间个卤水味够浓，同埋猪皮猪肠都好爽口，鸡翼亦好入味。另外个汤底亦都唔会太咸，味精应该唔系太重所以食完都唔会太口喝。 另外一个惊喜位系，通常车仔面杯咖啡奶茶都系普普通通，但系呢间车仔面啲奶茶不错，有茶餐厅嘅水准。因为呢度嘅车仔面𩠌都有30几款，我会下次再过嚟试吓其他𩠌。