漁舍酸菜魚 (已結業)

个人对环境非常有要求，每次食饭都好注重枱面油唔油腻，地下干唔干净✨。嚟到渔舍酸菜鱼专家，见到店面好干净，地板冇痴笠笠，就好安心💖每枱都叫既招牌酸菜鱼:味浓又唔腻，酸度啱啱好。大量酸菜同辣椒，材料超级丰富🙌🏾。鱼柳嫩滑，肉质饱实，啲酸辣汤入晒鱼柳嘅肉入面，食落辣得开胃，酸得醒神😎😎餐牌推介既川味辣子鸡:辣度适中，入口有酥麻感觉，非常之刺激味蕾。辣子鸡肉质表面干身，咬落有不少既肉汁，食埋香脆既花生同芝麻，脆口又滋味😋😋店员诚意推介老干妈鸭胸:老干妈果然名不虚传🤩，唔好辣既朋友都食到停唔到口，鸭胸肥美🤤又唔会太油腻，鸭油仲好甘香添，送到两碗白饭，正呀！食紧嘅期间见到店员好干净✨，每张枱都仔细用消毒用品清洁，赞！每碟𩠌菜都煮得好出色，麻辣味又够正，真心推荐💗！