石崗咖喱屋

营业中

休息中

食咖哩食咖哩，1支公中午放饭唔知食乜，身边d朋友又唔多钟意食咖哩，今日自己1条友就去呢间石岗咖哩屋食啦，之前都食过1至2次，今日再黎回味。中午时段黎唔多人，一入去都有位，店内环境干净企理，坐底睇餐牌点左个咖哩牛套餐，套餐有咖哩牛，1份为2既烤麦饼，都几大块，1碗饭（系用印度米架），几正宗，头盘仲有1碗鸡汤同1份小食，跟餐仲有野饮，转冻饮唔仲唔洗加钱。先试下个鸡汤，汤就真系麻麻啦，系用d3色豆加d鸡肉去煲，好似有d胡椒味咁啦，饮左半碗无饮了。小食就有1条春卷仔同1个类似炸咖哩蔬菜球咁既不过摆到冻左，热食会好食d，但始终系跟餐送就唔好有特别期望啦。好啦主菜黎啦，先试个烤饼，都算热热地既但未算系新鲜烤出黎果种，都算系烤到底脆面软，加埋d咖哩汁好正，咖哩唔算辣，bb仔级数，有咖哩味，印度米饭口感几特别，粒粒分明长条型较为爽口。呢份午餐56蚊食到我好饱好饱，干净又卫生呀兄弟们。