馬六

营业中

休息中

土瓜环一带我唔熟，所以经过时就因为餐厅够光同望落卡位好舒服所以就入黎坐低。呢度d service好好，每个店员都好有礼貌，仲会同你倾下闲倾同介绍食物。我地叫咗个萝卜糕、巴东牛肉饭同个虾面。萝卜糕煎得好香口，口感唔错，够浓味。个巴东牛肉软身同入味，饭加埋块印尼虾饼好match。另外个饭绿色好靓，用黎打卡一流！妈咪面嘅汤底好浓郁，我觉得唔错，大大只虾加埋豆腐卜都入哂味！啲面嘅软硬度都系啱啱好，唔会过分淋。下次经过都会再入嚟试埋其他嘢。