金記冰室 (元朗廣場) (已結業)

今日返工好辛苦，老公话出街食食好啲叫多啲𩠌食🤩🤩去咗元朗广场见到金记好多人等位，老公话想食小菜，所以就㩒飞等咗10分钟左右。环境都干净舒服，啲服务员都好有礼貌☺️☺️老公叫左个新鲜菠萝咕噜肉跟饭同罗宋汤，老公话个罗宋汤本身冇乜期望，但系最后出奇地觉得几好饮，酸酸辣辣咁好开胃。个咕噜肉虽然唔够脆，但系个汁几好送饭，有新鲜菠萝好开心😍😍老公话好耐冇食霸王鸡，佢想叫嚟食下。碟鸡我食咗一旧咋，因为我本身好钟意食咕噜肉，所以系咁夹佢啲咕噜肉就冇夹到啲鸡啦😂😂因为咕噜肉同霸王鸡都冇菜所以我坚持话要叫返一碟蔬菜食，老公叫咗呢个XO酱虾球炒西兰花，我觉得好惹味好好食，啲西兰花唔会太淋，味道刚刚好。👍🏾👍🏾忽然间好想食奶油多，既然我冇加白饭，就好任性咁叫咗件奶油多食。奶油多都好难唔好食嘅，如果个多士可以冇咗个面包皮就满分了。专登加钱叫咗个冇冰冻奶茶，真系特别浓郁好饮，下次我都系会加钱叫呢个冇冰冻奶茶。☺️☺️😌😌我几欣赏佢个餐枱呢一个柜桶啲嘢好整齐样样都有调味料都好齐全好少茶餐厅会咁整齐。