凱柏冰室 (已結業)

放咗工约朋友食饭兼行街🤪今日放早，去到餐厅都只系5点几，仲有下午茶食，于是我地一人叫咗一样野，再share多个炸鸡翼拼炸薯条下午茶餐。朋友点鸡翼鱼片头米粉，我就叫冰室至尊常餐，食丹麦多士，仲有牛乳炒蛋拼丹麦午餐肉同埋香茅猪扒特浓沙嗲汤出前一丁，饮热柠蜜。炒蛋嫩滑，唔会好咸，由细到大都觉得佢同午餐肉一齐食系最夹既~~𠮶蕃茄汤都几浓，味道偏酸，感觉好健康，钟意食酸野嘅朋友仔啱晒！碗粉入嚟有芽菜香茜，份量都算适中。鸡翼都算几大只，炸得好脆，肉汁唔少，鱼片头就有两片。炸鸡翼同炸薯条都唔错~两杯柠蜜调校得啱啱好，唔会过甜👍用下午茶既价钱食晚餐，好抵！