貓店街 (已結業)

虽然未系一个猫奴，但因为钟意猫所以都几成日去。 今次呢个真心推介，第一因为佢真系好干净，无味道！ 睇得出老板好锡啲猫， 我地赞无猫味个时，佢猛话猫本身好钟意干净所以唔会有猫味，仲乘机抱起左一只黎吸两下再话无味😂 （客人系唔可以随便抱起啲猫既）比起一般猫cafe，猫店街俾我感觉系猫猫唔系商品，个到真系佢地既屋企，所以会见到好多饮水机，猫抓板， 猫窝咁样。 个晚我地上到去初时大部份猫猫都瞓紧，后来陆续醒， 虽然猫猫们唔系好痴人，但都算系任摸既。😂 因为最近旺角TG 放题左好几次， 老板仲找左几部空气清新机返黎。 老板真系好锡啲猫！ 老板知道我地有心想养猫仲好好咁答我地一堆问题，我觉得想养猫/新手猫奴都会有得著！ 最后，食物同饮品既部分， 饮品算好大一杯，我地饮既热柚子蜜。食物系选择唔多，但味道算中上，份量望落唔多，但食完都系够饱既。 我系会再去架！