和平飯店 (V Walk) (已結業)

去左南昌地铁站上盖的V·Walk行街，呢个商场这一两年新开，好新净，食完饭可以同小朋友行过对面马路嘅南昌公园玩。今日我哋去咗和平饭店食Lunch，因为喺牛角做咗会员，原来同和平饭店系同一集团，所以都可以用会员卡，不过今次我地叫二人餐，用了汇丰信用卡的优惠，所以冇得用会员折扣，但照样可以储分。二人餐的分量超多，前菜主菜都好丰富，包括有花雕醉鸡，老干妈伴大豆芽牛展，浓汤竹笙杂菌浸小白菜，黄金虾球，砂锅腌笃鲜，鸡火炒饭，小笼包，高力豆沙。砂锅腌笃鲜的汤超级好饮，小笼包都好好味，甜品系我最爱的高力豆沙，店员都好细心，我地食完正餐先上甜品。去过咁多餐厅，和平饭店系唯一一间安排了专门执枱嘅专员，有穿黄色已表示佢系执枱专员。咁样可以喺疫情下放心食，上菜点菜嘅职员同执枱嘅职员系唔同，唔怕人哋啲口水掂到自己啲𩠌，好细心！