影片
更多
2022-06-27
448 浏览
咁啱黎开呢头就食呢开车仔面先，之前食过觉得佢几好食，环境仲唔错㗎，唔似一般车仔面店。首先钟意佢独立位，唔迫得黎又多位摆野，仲有个手机架可以放下杂物。另外佢啲用具几干净，无黏立立又无蚊仔。用QR Code落单好方便，介面易用，仲即时睇到有咩已经卖晒。枱面呢个辣椒油同菜脯都系自家制，辣度唔高但好好味，强烈建议一定要加落碗面度，哈哈。公司车仔面自己叫左碗公司车仔面，懒得谂食咩𩠌，一次过有晒都几好。汤底要左原味，鲜甜浓味唔错噃。𩠌方面个人觉得牛腩软腍大肠入味，呢两样最好味，另外萝卜好甜又无渣都好好食。面条要左油面，吸汤一流。自选三𩠌车仔面朋友叫左腩肉、汉堡扒、回锅肉麻辣汤底大辣公仔面仲要加底，仲加埋秘制辣汁，碗面黎到真系几红食㗎，试左一试佢个汤底，几麻几香，辣度唔算太劲，饮完无舌头发麻嘅感觉，朋友仲加埋枱面嘅辣椒酱去加辣添。面条本身要出前一丁要加四蚊，加底再加八蚊，两个丁面咁几抵㖞，呵呵，超大碗呀。豚肉白菜炸饺子跟餐有优惠价加小食，叫左碟炸饺子，有五只大大只，炸得香口几好食。劲脆香辣炸云吞朋友就加左碟炸云吞，同名一样真系劲脆，加埋个甜辣酱好味噃。腩汁菜心大家碗面都无叫菜，就散点一碟灼菜心啦，菜
首先钟意佢独立位，唔迫得黎又多位摆野，仲有个手机架可以放下杂物。另外佢啲用具几干净，无黏立立又无蚊仔。用QR Code落单好方便，介面易用，仲即时睇到有咩已经卖晒。
枱面呢个辣椒油同菜脯都系自家制，辣度唔高但好好味，强烈建议一定要加落碗面度，哈哈。
公司车仔面
自己叫左碗公司车仔面，懒得谂食咩𩠌，一次过有晒都几好。汤底要左原味，鲜甜浓味唔错噃。𩠌方面个人觉得牛腩软腍大肠入味，呢两样最好味，另外萝卜好甜又无渣都好好食。面条要左油面，吸汤一流。
自选三𩠌车仔面
朋友叫左腩肉、汉堡扒、回锅肉麻辣汤底大辣公仔面仲要加底，仲加埋秘制辣汁，碗面黎到真系几红食㗎，试左一试佢个汤底，几麻几香，辣度唔算太劲，饮完无舌头发麻嘅感觉，朋友仲加埋枱面嘅辣椒酱去加辣添。面条本身要出前一丁要加四蚊，加底再加八蚊，两个丁面咁几抵㖞，呵呵，超大碗呀。
豚肉白菜炸饺子
跟餐有优惠价加小食，叫左碟炸饺子，有五只大大只，炸得香口几好食。
劲脆香辣炸云吞
朋友就加左碟炸云吞，同名一样真系劲脆，加埋个甜辣酱好味噃。
腩汁菜心
大家碗面都无叫菜，就散点一碟灼菜心啦，菜爽甜翠绿，配上腩汁特别好食。
冻柠茶&红豆冰
饮品要另加，叫左冻柠茶走甜，茶底香又够冻，正。朋友嘅红豆冰重奶味，唔过甜都几好饮。
下午茶时段黎食客不多，慢慢食，食左差唔多两个钟先走人，好少预到一间咁好坐嘅车仔面店嘛。
张贴
