火山燒 (已結業)

几个朋友食饭，最常遇到的问题就系意见不一，好似今晚大家喺铜锣湾行完街，想揾个地方食个晚饭，有人想食烧烤，有人想烚下烚下，上网search下发现左呢间可以满足哂两个愿望的放题餐厅，又咁啱喺附近，就一行四人杀上去试下。上到去第一样吸引到我系佢地个啤酒吧，当然啤酒不包在放题的价钱内，但烧烤边炉同啤酒确系绝配，应可满足到很多食客的须要。坐低先来一些即食的前菜，毛豆系我个人的favour，必点火㶽我地选左鸡汤底，呢个系我今晚其中一个非常赞赏的食物，汤底味道浓郁，最精彩系有差不多半只鸡，而且啲鸡肉非常嫩滑，我觉得系呢间餐厅的必点项目。讲起鸡，佢地有另一道烧鸡都好值得食，一样系由厨房预备，唔使自己烧，味道亦不错，可以一试。至于烧烤同边炉的任点食材，都系啲大路嘢，但都颇为新鲜，其中牛脷同牛肉系我最喜欢的。总括黎讲呢间餐厅食物水准不差，又可以用一个价钱有两种食法，几个朋友喺铜锣湾想揾食的不错选择。顺带一提，听店员讲佢地十一月开始会有埋刺身选择，令呢个放题性价比更高