勝記酒家 (已結業)

好耐冇食过中菜，嚟到呢一间胜记酒家，必吃一定系乳猪。乳猪有全只例牌同埋半只，例牌都有六大件，配上美味嘅mor mor. 乳猪外皮香脆无比。即使放耐了都依然很脆，特别仔细咁样刮掉中间过多嘅油脂。唔好以为份量好少，每片乳猪都大概有八cm咁长，而且拆晒骨去晒油脂。椒盐豆腐亦都系我其中一个好钟意食嘅小食，唔好睇佢好似好简单用嘅材料好平，但系我真系试过食椒盐豆腐系皮还皮，豆腐还豆腐。咦呢度嘅椒盐豆腐水准高，夹唔散。而且份量多。最欣赏嘅系呢度嘅干炒牛河，佢哋份量系茶餐厅嘅两倍，当我见到佢上枱嘅时候我仲以为系食紧一围嘅份量。吵得镬气十足，牛肉多，每一条河粉都均匀咁样布满豉油。最重要系配上干炒牛河必备辣椒酱，将味道大大提升。真系抵食夹大件。买单＄400内 已经食到好饱，强烈推荐真系要试吓呢度嘅干炒牛河，虽然冇攞到乜乜星级，但质素同份量绝对有保证。