波記(大排檔) (已結業)

呢度其实我旧年曾经带公司同事嚟过，但嚟到之后，同事一见啲坐位咁近个炉头，怕咗啲油烟，立即打退堂鼓，所以就此作罢。今日突然好想食干炒牛河，其然就想起波记。听闻波记嘅师傅炒功一流，而干炒牛河系非常讲究「镬气」，需要猛火快炒，要炒匀之余，手势又唔可以太快，否则河粉会碎掉。油嘅分量亦要准确控制，如果唔系就会食到一口油，所以干炒牛河被认为系考验广东厨师炒菜技术嘅一大测试。我都知食呢啲镬气嘢，堂食一定好过外卖，但为免食到成身油烟味，唯有将就吓算啦。返到公司，盒炒河虽然未至于仍冒烟，但温度适中，河粉每一条都上色均匀，牛肉亦唔韧，两者炒得好够火侯，我不得承认，河粉嘅味道其实比牛肉出色，夹埋啲银芽葱丝一齐食，很是美味。随盒更附送原椒酱两包。食完个盒底也没有留下很多油，可见师傅控制油份，恰到好处。