影片
更多
2018-09-30
508 浏览
圆善主食素，旁边哥登堡主食肉，好搅鬼。返到屋企无咩胃口又唔知去边到食饭，行到圆善，入去又睇吓有无惊喜先。由于唔太肚饿，所以点嘅𩠌唔多，无锡脆膳，竹笙三丝鱼翅盅，圆善罗汉斋，干烧伊面。无锡脆膳够脆够甜但偏硬，口感好似炸厚芋头条，之后，鱼翅盅好重麻油味，饮哂成盅鱼翅盅都系得一条六份一尾指甲噤大份嘅竹笙，不论口感，味道，颜色都同街边碗仔翅毫无分别，唯一分别系落咗一块仔竹笙。如果问我，煮罗汉斋要咩材料，我第一样材料总会谂起粟米笋，偏偏眼前哩碟罗汉斋，就系无粟米笋，扣分系自己喜好问题，无计啦！食到哩到，唔对路㖞！好热呀！原来头顶部冷气机无开，唔该开开冷气呀！庆幸干烧伊面煮得唔错，争取番唔少分，首先伊面同一般粉面档嘅伊面好唔同，面条比较幼细，不论意大利粉嘅天使面，幼细嘅米粉，我都比较中意幼细d嘅粉面，所以眼前嘅伊面对正我胃口，另外面条亦比较弹牙，相信唔系一般来货，可能同素食有关吧，唔能够乱揾供应，而且伊面夹起上黎唔会断开哂面条，成碟伊面无多余芡汁，掂。最后，虽然服务态度好好，每一碟嘅份量都偏少，今次帮衬就话唔肚饿啱啱好啫，下次肚饿我情愿行前d食老麦噜！
返到屋企无咩胃口又唔知去边到食饭，行到圆善，入去又睇吓有无惊喜先。
由于唔太肚饿，所以点嘅𩠌唔多，无锡脆膳，竹笙三丝鱼翅盅，圆善罗汉斋，干烧伊面。
无锡脆膳够脆够甜但偏硬，口感好似炸厚芋头条，之后，鱼翅盅好重麻油味，饮哂成盅鱼翅盅都系得一条六份一尾指甲噤大份嘅竹笙，不论口感，味道，颜色都同街边碗仔翅毫无分别，唯一分别系落咗一块仔竹笙。
如果问我，煮罗汉斋要咩材料，我第一样材料总会谂起粟米笋，偏偏眼前哩碟罗汉斋，就系无粟米笋，扣分系自己喜好问题，无计啦！
食到哩到，唔对路㖞！好热呀！原来头顶部冷气机无开，唔该开开冷气呀！
庆幸干烧伊面煮得唔错，争取番唔少分，首先伊面同一般粉面档嘅伊面好唔同，面条比较幼细，不论意大利粉嘅天使面，幼细嘅米粉，我都比较中意幼细d嘅粉面，所以眼前嘅伊面对正我胃口，另外面条亦比较弹牙，相信唔系一般来货，可能同素食有关吧，唔能够乱揾供应，而且伊面夹起上黎唔会断开哂面条，成碟伊面无多余芡汁，掂。
最后，虽然服务态度好好，每一碟嘅份量都偏少，今次帮衬就话唔肚饿啱啱好啫，下次肚饿我情愿行前d食老麦噜！
36 浏览
0 赞好
0 留言
张贴
