華苑餐廳

营业中

休息中

餐厅位于锦田中心，有室外同室内嘅位置，马路对面有一个细细地属于餐厅嘅停车场，因为锦田中心泊车都唔算方便，所以呢个细细地嘅停车场，对餐厅嘅生意嚟，有一定嘅帮助。呢日一行二人就嚟到谂住食晏，餐牌其实都有好多选择，不过我哋两个人都系拣左“精选午餐”上边嘅自选咸蛋四宝饭，烧鸭、叉烧、红肠拼咸蛋，饮热奶茶 ($45)，朋友就配冻咖啡 (+$3)。四宝饭望落都几色彩缤纷，不过……首先，饭身本身偏硬，亦都冇酱汁；烧鸭味道ok，不过肉质都几实；叉烧反而食落口感比望落软身，但系太瘦。红肠食得出系比一般冻肉舖买嘅再次一等嘅货色，味道偏咸，而且有碎软骨。咸蛋黄虽然个蛋黄都算大，但系感觉好干，无咩咸蛋味。呢碟饭一边食一边会觉得偏硬同干，要一路饮嘢先至可以继续。不过杯热奶茶亦好一般，有茶色，不过唔够茶味同奶味。而且呢度嘅侍应个个感觉好酷，唔系好想应你咁，所以食物同服务，都畀我一种干同硬嘅感觉。