影片
更多
2022-07-09
22 浏览
📍𝐁𝐨𝐨𝐧 【干花打卡cafe🌾 惊喜工厦亲民法日fusion菜】八号风球落波后出街觅食，估唔到呢间靓靓楼上cafe竟然仲有营业，非常敬业乐业，拯救咗我呢个饥寒交迫嘅晚上。呢间工厦cafe主打法日fusion菜，揉合咗经典同埋创新元素，菜式新颖有惊喜。店内摆放咗唔少干花摆设，装饰到成个小花园咁，店主希望喺观塘呢个繁忙地区为顾客提供一个舒适小绿洲，俾大家一作喘息～➤ 明太子酱薯条 ($48)薯条山超级大份‼️呢个份量至少够3-4个人share，呢个价钱有呢个portion真系好抵食～ 薯条炸得香脆，就算摆耐咗都仲保持到口感。明太子酱淋满薯条表面，咸咸香香，好浓好惹味👅➤ 酱油渍三文鱼 配 薯蓉·青酱海鲜汁 ($178)将以甜酱油腌制过嘅刺身三文鱼柳煎封，外皮煎得非常香脆，但里面嘅肉质依然保持到非常嫩滑，生熟程度控制得啱啱好。甜甜嘅酱油混合三文鱼油香，配上提鲜嘅青酱汁，绝对令人回味无穷。配料亦绝唔马虎，薯蓉细滑creamy，烩煮过嘅菇菜粒非常入味，而且口感十足。➤ 虎虾海胆酱意粉 ($128)每条意粉都沾满咗以日本海胆制作而成海胆酱，食落浓郁惹味，鲜味十足，不过食唔惯呢只鲜味嘅朋友可能会觉得
【干花打卡cafe🌾 惊喜工厦亲民法日fusion菜】
八号风球落波后出街觅食，估唔到呢间靓靓楼上cafe竟然仲有营业，非常敬业乐业，拯救咗我呢个饥寒交迫嘅晚上。呢间工厦cafe主打法日fusion菜，揉合咗经典同埋创新元素，菜式新颖有惊喜。店内摆放咗唔少干花摆设，装饰到成个小花园咁，店主希望喺观塘呢个繁忙地区为顾客提供一个舒适小绿洲，俾大家一作喘息～
➤ 明太子酱薯条 ($48)
薯条山超级大份‼️呢个份量至少够3-4个人share，呢个价钱有呢个portion真系好抵食～ 薯条炸得香脆，就算摆耐咗都仲保持到口感。明太子酱淋满薯条表面，咸咸香香，好浓好惹味👅
➤ 酱油渍三文鱼 配 薯蓉·青酱海鲜汁 ($178)
将以甜酱油腌制过嘅刺身三文鱼柳煎封，外皮煎得非常香脆，但里面嘅肉质依然保持到非常嫩滑，生熟程度控制得啱啱好。甜甜嘅酱油混合三文鱼油香，配上提鲜嘅青酱汁，绝对令人回味无穷。配料亦绝唔马虎，薯蓉细滑creamy，烩煮过嘅菇菜粒非常入味，而且口感十足。
➤ 虎虾海胆酱意粉 ($128)
每条意粉都沾满咗以日本海胆制作而成海胆酱，食落浓郁惹味，鲜味十足，不过食唔惯呢只鲜味嘅朋友可能会觉得有啲腥～意粉煮得软硬适中，口感几al dante。虾肉质地尚可，食落有少少霉，如果爽口弹牙啲会更好。
➤ 冲绳黑糖咖啡 ($48)
黑糖独特嘅甜味同香醇嘅咖啡几match! 味道香浓之余，入口仲带有甘蔗嘅甜香。而且用黑糖黎代替精制糖仲健康啲架☕️
➤ 芒果乳酪smoothie ($58)
饮落有种以为自己食落原只芒果嘅感觉🥭 饮落出落咗好多芒果肉打成，用料十足，啖啖都饮到芒果肉。沙冰texture非常透心凉，酸酸甜甜非常消暑😽 夏日必饮！
➤ 焦糖炖蛋千层窝夫酥 配 云尼拿gelato ($68 + $20)
Croffle即叫叫制，热辣辣非常酥脆，焦糖炖蛋酱微甜带蛋香，仲洒咗啲焦糖爆谷系面提升口感，配埋一球冻冰冰嘅gelato，冷热交溶嘅口感令人好满足(◍˃̶ᗜ˂̶◍)ﾉ"
张贴
