元元酸菜魚

营业中

休息中

依家香港真系有好多川菜舖头，梗有一间喺左近，今日试既呢间系新开张既，可能啱啱喺午饭时间，都几多人排队。午市套餐价钱都唔贵，选择都唔少，有客饭，亦有酸菜鱼，水煮鱼，连炒粉面饭都有。麻辣肥肠干锅 $58好耐冇食过干锅，我自己钟意食干锅，系因为会有好多配料，好似莲藕土豆片，麻辣干炒配料已经好惹味，味道都算不过不失，可惜主要嘅肥肠，煮得太过干身，变得好硬，唔好食。回锅肉粗炒 $60呢款粗炒就唔错，回锅肉香辣味突出，腩片半肥瘦够晒爽脆，面质弹牙有咬口，粗炒比干锅出色！整体觉得食物味道唔错，但系有个别嘅食物有待改善。